Termiz tumanidagi Oʻzbekiston va Afgʻoniston chegarasida tashkil etilgan “Termiz xalqaro savdo markazi” erkin savdo zonasida hududiy tarmoqlararo sanoat yarmarkasi o‘tkazildi

Yarmarka Surxondaryo viloyati hokimligi, Raqamli transformatsiya markazi, “Termiz xalqaro savdo markazi” erkin savdo zonasi, “Oʻzsanoatqurilishmateriallari” va “Oʻzkimyosanoat” uyushmalari hamkorligida tashkil etildi. 

Yarmarkada Surxondaryo viloyatidagi barcha OTMlarning rahbarlari qatnashdi. Denov tadbirkorlik va pedagogika instituti rektori O.A.Ruziyev Oʻzbekiston va Afgʻoniston tadbirkorlarining faoliyatlari bilan tanishib tadbirkorlik sohalarini rivojlantirish, yangi sohalarni yaratish bo‘yicha amalga oshirilishi mumkin bo‘lgan ilg‘or tajribalar bilan tanishdi. 

  DTPI talabalarini “Yirik ishlab chiqarish va xizmat ko‘rsatish” korxonalarida ishlab chiqarish amaliyotlarini o‘tashlari uchun korxona rahbarlari bilan suhbat o‘tkazdi.