Termiz tumanida Navro‘z umumxalq bayrami keng nishonlanmoqda
Bugun, Termiz tumanidagi “Marvarid” dam olish maskanida Navro‘z umumxalq bayramiga bag‘ishlangan tantanalar boshlandi. “Qadriyatlaring boqiy bo‘lsin, Navro‘z!” shiori ostida o‘tkazilayotgan bayram tadbirlari ko‘tarinki kayfiyatda davom etmoqda.
Tadbirda Afg'oniston fuqarolarini o'qitish ta'lim markazi jamoasi ham faol ishtirok etmoqda.
Bayram dasturi doirasida milliy urf-odat va an’analarni aks ettiruvchi turli madaniy tadbirlar, sport musobaqalari, milliy taomlar va kiyimlar ko‘rgazmalari tashkil etilgan.
